Keçmişə nəzərən gələcək zamanın bitmiş forması (The Future Perfect Tense İn The Past)

Düzəldilməsi: Keçmişə nəzərən gələcək zamanın bitmiş forması to have köməkçi felinin keçmişə nəzərən gələcək zaman qeyri-müəyyən forması (should/would have) və əsas felin keçmiş zaman feli sifəti (Participle II) vasitəsi ilə düzəldilir.

I should have realized.                      We should have realized.   

You would have realized.                  You would have realized.

He/she would have realized.            They would have realized.

Bu zaman formasının sual şəklini düzəltmək üçün birinci köməkçi feli (should/would) mübtədadan əvvələ keçirmək, inkar formasını düzəltmək üçün isə birinci köməkçi feldən sonra not inkar ədatını işlətmək lazımdır.

    Should I have realized?                I should not have realized. 
    Would you have realized?            You would not have realized. 
    Would he/she have realized?       He would not have realized. 
    Should we have realized?             We should not have realized. 
    Would you have realized?            You would not have realized.
    Would they have realized?           They would not have realized.

Keçmişə nəzərən gələcək zamanın bitmiş formasının inkar - sual şəkli aşağıdakı kimidir:

    Should I not have realized?          Should we not have realized? 
    Would you not have realized?      Would you not have realized? 
    Wouldn’t he/she have realized?    Would they not have realized?

Bu zaman formasının qısa şəkilləri belədir:

He’d have realized.

Wouldn’t you have realized?

You wouldn’t have realized.

İşlədilməsi: Keçmişə nəzərən gələcək zamanın bitmiş forması aşağıdakı hallarda işlədilir:

1. Keçmiş baxımından gələcək hesab edilən müəyyən bir vaxta kimi icra edilib tamamlanması, baş verib qurtarması nəzərdə tutulan hərəkətləri bildirmək üçün, məs.:

He said that he would have taken his examinations by the first of July.

2. Keçmiş baxımından gələcək hesab edilən müəyyən bir vaxtdan əvvəl başlanmış və həmin vaxt davam edən hərəkətləri bildirir. Məsələn:

He said that when l returned, the wine will have been fermenting for three months.

Azərbaycan dilində qarşılığı: Keçmişə nəzərən gələcək zamanın bitmiş forması Azərbaycan dilinə felin –mış/ -miş/ -muş/ -müş + olacaq perifrastik forması vasitəsilə tərcümə edilir.

By 12 o’clock tomorrow afternoon they will have been discussing the problem for two hours.

Sabah günorta saat 12 – də onlar bu məsələni 2 saat müzakirə etmiş olacaqlar.